Правило от осквернения

Внегда случится кому искуситися во сне по действу диаволю, востав от одра, творит поклоны, глаголя:

Боже, милостив буди мне грешному.

Таже начало обычное по:

Отче наш… Господи, помилуй (12). Слава, и ныне. Приидите, поклонимся… (трижды). Помилуй мя, Боже…

И тропари сия, глас 7
Пастырю добрый, душу Твою положивый о нас, сведый сокровенная, содеянная мною, Едине Блаже, упаси мя разумом заблуждшаго, и исхити мя от волка, Агнче Божий, и помилуй мя. Отягчен сном уныния, помрачаюся прелестию греховною: но даруй ми утро покаяния, просвещая очи мысленныя, Христе Боже, просвещение души моея, и спаси мя. Мглою греховною и сластьми житейскими сплетаем ум окаянныя души моея,
Читать дальше →